Mareez-e-Mustafa k Saamne Lyrics

6
----Article Top Add ---

Mareez-e-Mustafa ﷺ k Saamne Lyrics

Mareez-e-Mustafa ﷺ k Saamne Lyrics
Mareez-e-Mustafa ﷺ k Saamne Lyrics

Mareez-e-Mustafa ﷺ k Saamnay Kis ka Hunar Thehra urdu Naat 

نعت رسولِ مقبولﷺ

مریضِ مصطفےٰﷺ کے سامنے کس کا ھنر ٹھہرا
نہ کوئی چارہ کام آیا نہ کوئی چارہ گر ٹھہرا۔۔۔!!!

مِری قسمت میں بھی کیا کیا نہ کارِ معتبر ٹھہرا
مدینے کی طلب ٹھہری،مدینے کا سفر ٹھہرا۔۔۔!!!

دیارِ شاہِ بطحا خیر سے ھے آخری منزل
ہماری زندگی کا قافلہ کب در بدر ٹھہرا۔۔۔!!!

ضرورت کیا طبیبانِ جہاں کی میری بالیں پر
خیالِ مصطفےٰﷺ جب میرے حق میں چارہ گر ٹھہرا۔۔۔!!!

زھے قسمت کہ ہر ذرہ نظر آتا ھے نورانی
خوشا وہ شہر ،جو محبوبِ حق کا سنگِ در ٹھہرا۔۔۔!!!

گِرا جو دیدہء بے تاب سے راہِ مدینہ میں
وہی آنسو مسافر کا چراغِ رہگزر ٹھہرا۔۔۔!!!

کلام اللہ کی تفسیر یا ذکرِ نبی لب پر
ہمارا شغل دنیا میں یہی شام و سحر ٹھہرا۔۔۔!!!

سِمٹ کر آگئیں ساری بہاریں دونوں عالم کی
دیارِ سرورِ کونین،فردوسِ نظر ٹھہرا۔۔۔!!!

ہُوئ اُلفت رسول اللہ ﷺ کی جس ذوق کا حاصل
جہانِ آب و گُل میں بس وہ ذوقِ معتبر ٹھہرا۔۔۔!!!

نصیر اُڑ کر نہ پہنچا جو مدینے کی فضاؤں تک
وہی باغِ جہاں میں طاہرِ بے بال و پَر ٹھہرا۔۔۔!!!

---article-bottom-add---